എ.കെ.ജി സെന്റര് ആക്രമണത്തെക്കുറിച്ച് പറയുമ്പോള് കുറച്ച് ഗൌരവമായി പറയാം. സംഭവം നടന്ന സമയത്ത് എ.കെ.ജി സെന്ററിലുണ്ടായിരുന്ന ആളാണ് പി കെ ശ്രീമതി. അവര് ആ സംഭവത്തെക്കുറിച്ച് പറയുമ്പോള് അവര്ക്ക് അപ്പോള് അനുഭവപ്പെട്ട കാര്യമാണ് പറയുക. അതില് എരിവും പുളിയും ചേര്ത്ത് സംസാരിക്കാനാണ് പ്രതിപക്ഷം ശ്രമിക്കുന്നത്.
പൊലീസിന്റെ ഭാഗത്തുനിന്നുമുണ്ടാകുന്ന വീഴ്ചകള്ക്കെതിരെ നടപടി സ്വീകരിക്കാമെന്ന് മുഖ്യമന്ത്രി ഉറപ്പു നല്കിയിട്ടുണ്ടെന്നും ആനി രാജ കൂട്ടിച്ചേര്ത്തു. താന് പാര്ട്ടിക്കെതിരായോ, പാര്ട്ടി മാനദണ്ഡങ്ങള്ക്കെതിരായോ ഒന്നും പ്രവര്ത്തിച്ചിട്ടില്ല. രാഷ്ട്രീയ വിഷയങ്ങളില് പ്രതികരിക്കുമ്പോള് മാത്രമാണ് സംസ്ഥാന നേതൃത്വവുമായി കൂടിയാലോചിക്കേണ്ടതെന്നും ആനി രാജ പറഞ്ഞു.
പിണറായി സര്ക്കാര് രണ്ട് തവണ അധികാരത്തിലെത്തിയപ്പോഴും സ്ത്രീകളുടെയും, കുട്ടികളുടെയും പ്രശ്നങ്ങള് മികച്ച രീതിയിലാണ് കൈകാര്യം ചെയ്യുന്നത്. എന്നാല് സര്ക്കാരിന്റ മികച്ച പ്രവര്ത്തനങ്ങള് ഇല്ലാതാക്കുവാന് ആര്എസ്എസിന്റെ ഒരു വിഭാഗം കേരള പൊലീസില് പ്രവര്ത്തിക്കുന്നു.